Matthew 20
រឿងកម្មករចម្ការទំពាំងបាយជូរ
1ដ្បិតនគរស្ថានសួគ៌ប្រៀបដូចជាម្ចាស់ចម្ការម្នាក់ដែលចេញទៅពីព្រលឹមដើម្បីជួលកម្មករឲ្យមកធ្វើការនៅក្នុងចម្ការទំពាំងបាយជូររបស់គាត់ 2កាលបានព្រមព្រៀងជាមួយពួកកម្មករថាឲ្យឈ្នួលមួយថ្ងៃមួយឌេណារី ▼▼«ឌេណារី» ជាកាក់ប្រាក់ដែលមានតំលៃស្មើនឹងឈ្នួលពលកម្មមួយថ្ងៃសម្រាប់អ្នកធ្វើការនៅជនបទ។ មាននៅក្នុង ២០:៩,១០,១៣ ដែរ។
គាត់ក៏ឲ្យពួកគេទៅឯចម្ការទំពាំងបាយជូររបស់គាត់។ 3នៅពេលគាត់ចេញទៅនៅប្រហែលម៉ោងប្រាំបួនព្រឹកគាត់ឃើញអ្នកផ្សេងទៀតឈរទំនេរនៅតាមផ្សារ 4គាត់ក៏និយាយទៅអ្នកទាំងនោះថាចូរអ្នករាល់គ្នាទៅឯចម្ការទំពាំងបាយជូរដែរចុះខ្ញុំនឹងឲុ្យឈ្នួលត្រឹមត្រូវ។ 5ពួកគេក៏ទៅ។ គាត់ក៏ចេញទៅម្ដងទៀតនៅប្រហែលម៉ោងដប់ពីរថ្ងៃត្រង់និងម៉ោងបីរសៀលគាត់ក៏ធ្វើដូចពីមុន។ 6នៅប្រហែលម៉ោងប្រាំល្ងាចពេលគាត់ចេញទៅក៏ឃើញអ្នកផ្សេងទៀតកំពុងឈរគាត់ក៏សួរពួកគេថាហេតុអ្វីបានជាអ្នករាល់គ្នាឈរទំនេរមួយថ្ងៃវាល់ល្ងាចនៅទីនេះដូច្នេះ? 7ពួកគេប្រាប់គាត់ថាព្រោះគ្មានអ្នកណាជួលយើង។ គាត់ក៏ប្រាប់ពួកគេវិញថាចូរអ្នករាល់គ្នាទៅឯចម្ការទំពាំងបាយជូរដែរចុះ។ 8លុះដល់ពេលល្ងាចម្ចាស់ចម្ការទំពាំងបាយជូរក៏ប្រាប់មេការថាចូរហៅកម្មករមករួចឲ្យឈ្នួលដល់ពួកគេចាប់ពីអ្នកមកក្រោយបង្អស់រហូតដល់អ្នកមកមុនបង្អស់។ 9ពួកអ្នកដែលមកនៅម៉ោងប្រហែលប្រាំល្ងាចម្នាក់ៗទទួលបានមួយឌេណារី។ 10ពួកអ្នកដែលមកមុនគេគិតថាខ្លួននឹងទទួលបានលើសនោះប៉ុន្ដែម្នាក់ៗក៏ទទួលបានមួយឌេណារីដែរ។ 11ពួកគេទទួលយកទាំងរអ៊ូរទាំដាក់ម្ចាស់ចម្ការ 12ថាពួកអ្នកមកក្រោយបង្អស់ទាំងនេះធ្វើការបានតែមួយម៉ោងទេប៉ុន្ដែលោកឲ្យឈ្នួលដល់ពួកគេស្មើនឹងយើងដែលទ្រាំធ្វើការធ្ងន់ហាលថ្ងៃហាលក្ដៅពេញមួយថ្ងៃ។ 13ម្ចាស់ចម្ការក៏ឆ្លើយនឹងម្នាក់ក្នុងចំណោមពួកគេថាសម្លាញ់អើយ! ខ្ញុំមិនបានធ្វើខុសចំពោះអ្នកទេតើអ្នកមិនបានព្រមព្រៀងជាមួយខ្ញុំថាទទួលយកឈ្នួលមួយឌេណារីទេឬ? 14ចូរយកឈ្នួលរបស់អ្នកហើយចេញទៅ! ខ្ញុំចង់ឲ្យឈ្នួលដល់អ្នកមកក្រោយបង្អស់នេះស្មើនឹងអ្នកដែរ។ 15តើខ្ញុំគ្មានសិទ្ធិប្រើទ្រព្យសម្បត្ដិរបស់ខ្ញុំដើម្បីធ្វើអ្វីដែលខ្ញុំចង់ធ្វើទេឬ? ឬក៏ភ្នែករបស់អ្នកច្រណែនព្រោះតែខ្ញុំល្អ? 16ដូច្នេះអ្នកនៅក្រោយបង្អស់នឹងត្រលប់ជានៅមុខគេឯអ្នកនៅមុខគេនឹងត្រលប់ជានៅក្រោយបង្អស់វិញ»។ ព្រះយេស៊ូមានបន្ទូលប្រាប់ឲ្យដឹងជាមុនម្ដងទៀតអំពីការសោយទិវង្គតនិងការរស់ឡើងវិញរបស់ព្រះអង្គ
17កាលព្រះយេស៊ូកំពុងយាងឡើងទៅក្រុងយេរូសាឡិមព្រះអង្គបាននាំសិស្សទាំងដប់ពីរទៅដាច់ឡែកពីគេហើយនៅតាមផ្លូវព្រះអង្គមានបន្ទូលទៅពួកគេថា៖ 18«មើល៍យើងកំពុងឡើងទៅក្រុងយេរូសាឡិមហើយកូនមនុស្ស ▼▼«កូនមនុស្ស» ជាងារដែលប្រើសម្រាប់តែព្រះយេស៊ូប៉ុណ្ណោះ នៅក្នុងគម្ពីរសញ្ញាថ្មី។ មាននៅក្នុង ២០:២៨ ដែរ។
នឹងត្រូវគេប្រគល់ទៅឲ្យពួកសម្ដេចសង្ឃនិងគ្រូវិន័យរួចពួកគេនឹងកាត់ទោសប្រហារជីវិតលោក 19ពួកគេនឹងប្រគល់លោកទៅឲ្យសាសន៍ដទៃដើម្បីឲ្យគេចំអកវាយនឹងខ្សែតីហើយឆ្កាងប៉ុន្ដែលោកនឹងរស់ឡើងវិញនៅថ្ងៃទីបី»។ សំណួមពររបស់ម្ដាយលោកយ៉ាកុបនិងលោកយ៉ូហាន
20បន្ទាប់មកប្រពន្ធលោកសេបេដេនិងកូនៗរបស់គាត់បានចូលមកថ្វាយបង្គំព្រះអង្គដើម្បីទូលសុំអ្វីម្យ៉ាងពីព្រះអង្គ 21ព្រះអង្គមានបន្ទូលទៅគាត់ថា៖ «តើអ្នកចង់បានអ្វី?» គាត់ទូលព្រះអង្គថា៖ «ខ្ញុំសូមឲ្យលោកសន្យាថាកូនប្រុសរបស់ខ្ញុំទាំងពីរនាក់នេះនឹងបានអង្គុយក្បែរលោកនៅក្នុងនគររបស់លោកគឺម្នាក់នៅខាងស្ដាំនិងម្នាក់ទៀតនៅខាងឆ្វេង»។ 22ព្រះយេស៊ូមានបន្ទូលឆ្លើយថា៖ «អ្នកមិនដឹងថាអ្នកកំពុងសុំអ្វីទេតើអ្នកអាចផឹកពីពែងដែលខ្ញុំបម្រុងនឹងផឹកនេះបានដែរឬទេ?» ពួកគេទូលព្រះអង្គថា៖ «យើងអាចផឹកបាន»។ 23ព្រះអង្គក៏មានបន្ទូលទៅពួកគេថាទៀត៖ «អ្នកនឹងផឹកពីពែងរបស់ខ្ញុំបានមែនប៉ុន្ដែដែលអង្គុយនៅខាងស្ដាំខ្ញុំឬខាងឆ្វេងខ្ញុំនោះមិនមែនស្រេចលើខ្ញុំទេគឺសម្រាប់តែអស់អ្នកដែលព្រះវរបិតារបស់ខ្ញុំបានរៀបចំទុកឲ្យប៉ុណ្ណោះ»។ 24ពេលសាវកដប់នាក់ទៀតឮដូច្នេះក៏ទាស់ចិត្ដនឹងបងប្អូនពីរនាក់នោះ 25ប៉ុន្ដែព្រះយេស៊ូបានហៅពួកគេមករួចមានបន្ទូលថា៖ «អ្នករាល់គ្នាដឹងថាពួកអ្នកគ្រប់គ្រងរបស់សាសន៍ដទៃត្រួតត្រាលើពួកគេហើយពួកអ្នកធំក៏ប្រើសិទ្ធិអំណាចលើពួកគេដែរ 26ប៉ុន្ដែក្នុងចំណោមអ្នករាល់គ្នាមិនមែនដូច្នោះឡើយអ្នកណាដែលចង់ធ្វើធំក្នុងចំណោមអ្នករាល់គ្នាអ្នកនោះត្រូវធ្វើជាអ្នកបម្រើអ្នករាល់គ្នាវិញ 27រួចអ្នកណាដែលចង់ធ្វើជាទីមួយនៅក្នុងចំណោមអ្នករាល់គ្នាអ្នកនោះក៏ត្រូវធ្វើជាបាវបម្រើរបស់អ្នករាល់គ្នាដែរ 28ឯកូនមនុស្សក៏ដូច្នេះដែរគឺមិនបានមកឲ្យគេបម្រើទេប៉ុន្ដែមកបម្រើគេវិញទាំងប្រគល់ជីវិតខ្លួនទុកជាថ្លៃលោះដល់មនុស្សជាច្រើនផង»។ព្រះយេស៊ូប្រោសមនុស្សខ្វាក់ភ្នែកពីរនាក់
29កាលពួកគេចេញពីក្រុងយេរីខូរនោះមានបណ្ដាជនច្រើនកុះករបានដើរតាមព្រះអង្គ 30ហើយមើល៍មានមនុស្សខ្វាក់ពីរនាក់កំពុងអង្គុយក្បែរផ្លូវពេលឮថាព្រះយេស៊ូកំពុងយាងកាត់ក៏ស្រែកឡើងថា៖ «ឱព្រះអម្ចាស់ជាពូជពង្សដាវីឌ ▼▼«ពូជពង្សដាវីឌ» ជាឈ្មោះដែលពួកយូដាប្រើសម្រាប់ព្រះសង្គ្រោះ ដែលព្រះជាម្ចាស់បានសន្យាថា ជាតំណវង្ស និងជាអ្នកស្នងរាជ្យរបស់ស្តេចដាវីឌ។ មាននៅក្នុង ២០:៣១ ដែរ។
អើយ! សូមមេត្ដាយើងផង!» 31ប៉ុន្ដែបណ្ដាជនបានបន្ទោសអ្នកទាំងពីរនោះឲ្យពួកគេនៅស្ងៀមប៉ុន្ដែពួកគេស្រែកថែមទៀតថា៖ «ឱព្រះអម្ចាស់ជាពូជពង្សដាវីឌអើយ! សូមមេត្តាយើងផង!» 32ព្រះយេស៊ូក៏ឈប់ហើយហៅអ្នកទាំងពីរនោះមកសួរថា៖ «តើពួកអ្នកចង់ឲ្យខ្ញុំធ្វើអ្វី?» 33ពួកគេក៏ទូលព្រះអង្គថា៖ «ព្រះអម្ចាស់អើយ! សូមបើកភ្នែករបស់យើងឲ្យបានភ្លឺផង» 34ដោយព្រះយេស៊ូមានក្ដីអាណិតអាសូរក៏ពាល់ភ្នែករបស់ពួកគេ។ រំពេចនោះពួកគេក៏មើលឃើញវិញហើយដើរតាមព្រះអង្គទៅ។
Copyright information for
KhmKCB